:::: من الأفضل ( DSL ، Mobily Connect ، ) :::::

:::: من الأفضل ( DSL ، Mobily Connect ، ) :::::

أولا : السلام عليكم ورحمة الله وبركاته ..

كنت في الفترة الماضية ابحث عن كل ما يتعلق عن موبايلي كونكت ومميزاتها و مشاكلها وطرق التعامل معها ، لهدف المعرفة و ايضاً عندما كثرة أسئلة الشباب عنها .

الكونكت هو عبارة عن الإتصال بالإنترنت عبر شريحة الجوال ، وكما تعلمون ان الإتصال يختلف بحسب نوع البرج القريب منك ، فالبرج إما ان يكون الجيل الثاني المطور ( 2.5) أو الجيل الثالث ( 3G ) او الجيل الثالث المطور ( 3.5G ) ولكل نوع منها سرعة يتميز بها ونقل معلومات يتميز فيه وأكيد ان الجيل الثالث المطور أسرع من الثالث و الثاني المطور .

تعتمد تقنية الجيل الثالث المطور على بروتكول يسمى HSDPA وهذا اختصار لأول كل كلمة من :
High Speed Downlink Packet Access
وفي حال وجدت جوالك يدعم الشبكة HSDPA فهو يدعم السرعات العالية ويوجد حاليا الجوال نوكيا N95 و E90 وهما آخر اصدارات نوكيا المطورة .
بروتوكول HSDPA يدعم سرعات عالية تصل الى 14 ميغا تقريباً ، والموجود حاليا في السعودية هو 7.2 ميغا بت بالثانية اي ان سرعة التنزيل تصل الى 900 كيلو بايت بالثانية .


بعد ما أخذنا فكرة مبسطة عن الخدمة ونوعها نعود إلى المهم لدى الجميع وهو ما رأيك في موبايلي :
موبايلي كان لها السبق في تقديم الخدمة هذه وهي من حرض الجوال كي يقوم بتنزيل عرض ايضا وهذا يكفي لشكرهم في جعل الجوال تخرج ما في جعبتها مع ان المفترض بهم ان يكونوا سباقين ، ولكن موبايلي نزلت الخدمة وهي ليست جاهزة لها ولهذا كان مع بدايتها مشاكل كثيرة جدا جدا جدا ولكن الآن بدأت تتحسن ولكن ايضا مع وجود مشاكل لها تتركز في امور منها : الشبكة و و التغطية وجاهزية الأبراج لإستقبال الضغط الناتج عن توسع الخدمة ، وجاهزية الدعم الفني لديهم .

الحين اكيد تقولون ( اخلص علينا موبايلي كويسه وإلا الجوال ؟ )

اقول ما فيه احد احسن من أحد فهناك مميزات يجب ان ترى ما يروق لك اكثر و هناك امور يجب ان تتأكد قبل الإشتراك في أي من الشركتين وهي :
أولا : اي من الشركات تدعم الجيل الثالث المطور لديك في المنزل ، وأيهم أقوى في الشبكة .
طيب كيف تعرف ؟
شوف جوالك اذا فيه شريحة الجيل الثالث هل هناك رمز 3G اسفل الشبكة .
وجرب على كلتا الشريحتين موبايلي والإتصالات .
اذا موجود شوف وش احسنهم شبكة وقوة .
اذا كلهم يعني منطقتك تدعم تمام .

طيب ، الحين اجي للثقيل .
معروف ان شبكة الجوال افضل ، لكن ليه الناس طايره في موبايلي .
اقولكم انا ليه .. السبب هو الباقات الموجودة .. نعم الباقات ، خلوني اشرح لكم .


الشركات ما تحسب عليك كم انت متصل من الوقت بالإنترنت بل تحسن كم نزلت ميغا .
الجوال تحسب عليك الميغا بـ 2 ريال اذا شريت قطعتهم مع العرض إلي من جرير .
يعني عندهم اذا نزلت جيجا كامل فبيكون عليك التالي : 2 × 1024 ميغا = 2048 ريال لكل جيجا تنزيل .
مو واجد ؟
وهذا اقل عرض عند الإتصالاات .

ولكن موبايلي عندهم باقات على حسب استهلاكك .
فعندك الباقة الأقل حاليا وهي 1 جيجا بـ 100 ريال في الشهر
وعندك باقية 5 جيجا بـ 200 ريال شهريا .
وعندك الباقة المفتوحة بـ 350 ريال شهريا .
يعني فرق كبير بين ألفين ريال و بين الأسعار اللي عطيتكم لموبايلي . ..


طيب الحين اكيد قررت موبايلي زي العالم و الناس
انا وبصراحة ما عجبتني قطعة موبايلي لأسباب اولها وأهمها : انها لا تدعم إلا شبكة موبايلي وهذا من حقهم طبعا ولكن مو بالسعر الحالي 950 ريال للقطعه ؟
وهناك مشاكل وجدتها بعد البحث في المنتديات المتخصصه بذلك ان البرنامج الخاص فيها ثقيل شوي ، ولقطها للشبكة مو جيد كثير .

ولكن وجدت عدة قطع الان في السوق منتشرة اعرض لكم صور منها :


طبعا هذي نفس قطعة موبايلي لشركة تسمى هواوي ، ولكن موبايلي اخذتها وحطت شعارها عليها .


وهذي ايضا موبايلي نزلتها قبلا .


هذي القطعة تسمى :
NEW UNLOCKED Cingular 3G UMTS HSDPA Sierra 875 AirCard
وتركب على الجوال وموبايلي ، سعرها في الإنترنت بـ 120 دولار تقريبا
توصلك السعودية مع الشحن بـ 140 دولار يعني بـ 600 ريال تقريبا .
وجرير يبيعونها بـ 1000 ريال على الناس :11azy: .
قطعة جيده لكن تركب على اللابتوبات ، واذا تبي تركبها على جهازك العادي في البيت يحتاج الى قطعة شكلها كذا :


غير كذا ما يمدحونها كثير من ناحية الحرارة و التعليق .

قبل تأخذها تأكد فتحة القطع عندك بالابتوب شكلها :

اذا رقم واحد : فتمام .
اذا رقم 2 فما يصلح للأسف .

بعذهم يركب لها مقوي للشبكة مثل هذا :




طيب نجي للي أفضله الآن وهو التالي :



يسمى : BandLuxe C100
وهو الأفضل حالياً من عدة نواحي وهي :
شبكة قوية وفي حال كانت ضعيفة ارفع المقوي اللي فيه .
برنامجه سهل التعامل ( انجليزي فقط ) ويقال فيه تعريب له .
تعريفه منه فيه ( يعني ما يحتاج CD تعريف ، بل يعمل مثل الفلاش مومري يعرف نفسه بنفسه ) وهذي ميزة جميلة جداً )
والأهم يعمل على الشبكات كلها ( موبايلي ، الجوال ، Zain الجديدة )
فأي واحد ينزل عرض احلى من الثاني انقل عادي جدا ، لا تخلي موبايلي تحتكرك .
وكذلك يركب ان بغيت usb او pcmcia اللي فلا اللابتوب . كما في الصورة اعلاه .
وكذلك السرعة فيه 7.2 ميغا وليس كالبقية 3.5 واذا حدثت يوصل 7.2 .
لا هذا السعرة فيه 7.2 جاهزة .
سعره يبدأ من 950 ريال الى 1100 تقريبا ، ولكن في محلات تبيعة بـ 2500 ريال تقريبا ، فأنتبه :11ying: ..

اتمنى اني شرحت لكم شرح مناسب ومفيد ، ولكم كل التحية .


اخوكم : محمد الشتوي .

ملاحظة : اشكر الإخوة الذين استفدت من مواضيعهم و صورهم .